پۆلیس خانەقین باس هووکار دەسگیرکردن کەسەیلیگ لە خۆپیشاندەرەیل کەێد
شەفەق نیوز/ عەمید دیار شەوکەت گ وەڕێۆبەر پۆلیس خانەقین، ئمڕوو جمعە، ئاشکرای دەسگیرکردن بڕێ لە چالاکوانەیل خۆپیشاندانەیل خانەقین کرد، و دیاری کرد ک کارەکە پەیەدوەنی وە خۆپیشاندان نەیرێد، ولێ وە سکاڵایگ دادوەری وە توومەت دەسدریژی لەبان ئەفسریگ لە ئەمن نیشتمانی لە مانگ گوزەیشتە.
شەوکەت ئەرا ئاژانس شەفەق نیوز وت: ئەفسەریگ لە ئەمن نیشتمانی لە مانگیگ وەرجە ئیسە روی وەرەەوام خوەی کردوێد، و لە مەوقەی رەدبوینی لە ناوچەی بەختیاری خۆپیشاندەرەیل ری لەلی گردن و نەیشتن بچوودە دەوامەگەی و قسەی تون وەپی کردنە، ک هیشت ئەفسەرەگە سکاڵایگ دادوەری لەبانیان تۆمار بکەێد و لەبان ئەوە دەسگیر کریان.
شەوکەت وتیش؛ ئەو قسەیلەگ لەبان ماڵپەڕەیل پەیوەندیە کۆمەڵایەتیەکان م باس دەسگیرکردنیان وە توومەت خۆپیشاندان کەن راس نیین، و دووپات کرد ک باوەتەگە دادوەریە و خۆپیشاندەرەیلە لە مەوقەی دەرچگن یاداشت دەسگیرکردنیان خوەیان دانە دەس.
