لە سێ پارێزگای عراق.. وەسێدارەدان بکوش ئەفسەریگ و دەسگیرکردن بازرگان هووشبەری و قاچاخی پویل
بەیاننامەیگ رەسیە ئاژانس شەفەق نیوز وت: دادگای تاوانەیل زیقار، فەرمان وەسێدارەدان لەبان تاوانبار (ح. ص. ن) دەرکرد لە تاوان کوشتن ئەفسەریک وە پلەی رائید وەناو حسێن رزا فەیاز.
لەلاییگ ترەک، سەرچەوەیگ لە پولیس کەرکوک، خەوەردا کە هیزیگ هاوبەش لە وەڕیەوبەرایەتی کاروبار هووشبەری لە کەرکوک و فەرماندەیی پولیس پارێزگاگە، ئۆپراسیۆنیگ ئەمنی لە بنەمای زانیاری هەواڵگری جیوەجی کرد، و پەنج بازرگان هووشبەری لەناوڕاس پارێزگاگە دەسگیر کرد، دویای وەشوینکەفتن و تەقەکردن وەگەردیان.
سەرچەوەگە وتیش؛ دەسنریا وەبان ٣٠٠ گرام لە مادەی کریستال هووشبەرو چەمک و کاتم و ماشین ئەرا فرووشتن هووشبەری وەکاریان تیەرن.
هەرلیوا، هیزەیل سنوور راگەیان مەفرەزەیل بنکەی پولیس گومرگ فرۆکەخانەی ناودەوڵەتی، توومەتباریگ دەسگیر کرد ٤٣ کارت بانکی "ڤيزا كارت"، وەپی بویە و پویل لەناوی بویە ئەرا قاچاخکردن، و ریکارەیل یاسایی وەگەردی جیوەجی کریا.
