لە سێ پارێزگای عراق.. خوەیکوشتن گەنجیگ و کوشیان و زەخمداری چەن کەسیگ
2023-05-24T10:17:20+00:00
شەفەق نیوز/ سەرچەوەیلیگ ئەمنی، ئمڕوو چوارشەممە، خەوەردان لە کوشیان کراکاریگ و رانندەی (دلیڤری) لە بەغداد و بەسرە، و گەنجیگ لە پارێزگای دیالە خوەی دادە سێدارە.
سەرچەوەیگ ئەمنی لە بەغداد ئەرا ئاژانس شەفەق نیوز وت: رانندەی ماتوورسکڵ دلیڤری ک لەلای چیشتەخانەی (صاج الريف) کار کەێد، ئمڕوو تویش رویداویگ وەگەرد ماشینیگ گیا لە ناوچەی غەدیر هات، و گیانی لەدەسدا، وتیش: رانندەی ماشینەگە وایە.
دیاری کرد ک هیزیگ ئەمنی تەرمەگە هەڵکرد و لێکۆڵینەوە لە رویداوەگە واز کرد.
لە دیالە، سەرچەوەیگ ئەمنی ئەرا ئاژانس شەفەق نیوز وت: گەنجیگ لە تەمەن ١٨ ساڵان لەناو ماڵەگەی لە حەی عومال لە قەزای خاڵس خوەی وە سێدارە کوشت، وتیش؛ مددو ئی خوەیکوشتنو نادیارە، و تەرمەگەی ئەرا پزشک دادوەری بریا.
لە بەسرە، سەرچەوەیگ ئەمنی ئەرا ئاژانس شەفەق نیوز وت: کریکاریگ کوشیا و دووانیش زەخمدار بوین، مەوقەی کار پاکەوکردن لە مەنهۆڵ ئاوەڕۆی گەورەیگ نزیک پەیمانگای تەکنیکی بەسرە.
