لە سەڵاحەدین و کوردستان.. کوشیان و زەخمداری ٨ کەس وە رویداوەیل هاتوچو
سەرچەوەیگ ئەمنی لە سەڵاحەدین ئەرا ئاژانس شەفەق نیوز وت: پیاویگ و کوڕەگەی خەڵک قەزای زلوعیە لە ئەنجام پلیان ماشینیان لەبان ری عەبایچی لەبان سنوورەگە وەرد بەغداد گیانیان لەدەس دان.
سەرچەوەگە وتیش: مەفرەزەیل فریاکەفتن و وەرگری شارستانی دوو تەرمەگە ئەرا پزشک دادوەری بردن، و دەسەڵاتەیل هاتوچو لێکۆڵینەوە لە رویداوەگە واز کردن.
هەمیش لە سەڵاحەدین، سەرچەوەیگ ئەمنی وت: گەنجیگ وە رویداو لەیەکداین ماتۆرسکڵەگەی وەگەرد ماتۆرسکڵیگ لە ناحیەی ئیسحاقی گیانی لەدەسدا.
وتیش؛ تەرمەگە ئەرا پزشک دادوەری بریا، و دەسەڵاتەیل هاتوچو لێکۆڵینەوە لە رویداوەگە واز کردن.
لە ئیدارەی گەرمیان لە هەرێم کوردستان، سەرچەوەیگ ئەمنی ئەرا ئاژانس شەفەق نیوز وت: رویداویگ لەیەکداین دوو ماشین لەبان ری قڵای شێروانە لە قەزای کەلار بویە هوکار زەخمداری ٥ کەسر وتیش: زەخمدارەیل ئەرا خەسەخانە بریان.
