لە زیقار.. خوەیکوشتن ناخاڵەیگ و پیاو پیریگ
شەفەق نیوز/ سەرچەوەیگ ئەمنی لە پارێزگای زیقار، ئمڕوو جمعە، خەوەردا لە خوەیکوشتن ناخاڵەیگ و پیاو پیریگ، لە دوو رووداو جیاجیا، لەناوڕاس شار ناسریە.
سەرچەوەگە ئەرا ئاژانس شەفەق نیوز وت: گەنجیگ لە تەمەن ١٨ ساڵان، پەیای تەرمەگەی وە گەنیای کریا لەناو مەکتەویگ لە کۆمەڵگەی تینا لەناوڕاس شار ناسریە.
سەرچەوەگە وت: گەنجەگە وە پەتیگ لەناو لەناو مەکتەوەگە خوەی کوشتگە، و دیاری کرد ک تەرمەگە وە گەنیای پەیای کریا چوینکە یە دوو رووژە لەوەر مرافەیگ وەگەرد خیزانەگەی بیسەروشوینە.
لە رووداویگ تر، سەرچەوەگە وت؛ پیاو پیریگ لە داڵگبوی ساڵ ١٩٤٠ لە ناوچەی سەیف لە نزیک مەکتەو کەرامە لە حەبوبی ناوڕاس شار ناسریە خوەی کوشت.
سەرچەوەگە دیاری کرد ک تەرم پیاوەگە پەیا کریا وە پەتیگ بەسیاسە قەی پەنجەرەیگ لەناو ماڵەگەی خوەی، وتیش؛ خوەیکوشتنەگە لەوەر جەختەیل دارایی هاتگە، و هەمیشە د وەی دویاییە تووش ڤایڕۆس کۆڕۆنا هاتگە.
