لە رووز جەژنیان.. بومبیگ تەقێدە روی کراکارەیل کارەبا لە ئەنبار
2024-05-01T12:36:23+00:00
شەفەق نیوز/ سەرچەوەیگ ئەمنی، ئمڕوو چوارشەممە، خەوەردا لە زەخمداری چوار کەس لە وەزارەت کارەبای عراقی کار کەن، لە ئەنجام تەقیان بومبیگ دانریاگ مەوقەی کارکردنیان لە پارێزگای ئەنبار.
سەرچەوەگە ئەرا ئاژانس شەفەق نیوز وت: چوار کراکار لە وەزارەت کارەبا زەخمدار بوین لە ئەنجام تەقیان بومبیگ دانریاگ لە ناوچەی عکاشات لە ئەنبار، مەوقەی کارکردنیان لە کڕ وزە لە ئوردنەو.
وەگورەی سەرچەوەگە، زەخمدارەیل ئەرا خەسەخانە بریانە.
لە ٣٠ ئادار ٢٠٢٤، عراق دەسکردە بەسیان کارەبای عراق - ئوردن لە یەکەم گامی، لە بەرژەوەنی قەزای روتبە لە پارێزگای ئەنبار.
