لە کەربەلا.. ئازادکردن دوو رفیاگ کەفتنە وەر ئەشکەنجە لەبان دەس رفنەگان ک دووانیان ژنن
شەفەق نیوز/ پۆلیس پارێزگای کەربەلا، ئمڕوو شەممە، راگەیان بەش دژەتاوان توێنست دوو رفیاگ ئازاد بکەێد،ک کەفتنە وەر ئەشکەنجە لەلایەن رفنەگان لەوەر ناکۆکیەیلیگ لەناوبەینیان.
پۆلیسەگە لە بەیاننامەیگ ئمڕوو وت: لەدویای تەقەلایل جیوازیگ، وکار توکمەیگ تیم کارکردن وەهەماهەنگی وەگەرد دەوریەیل فریاکەفتن توێنستن ئازاد دوو هاوڵاتیە رفیایەگان بکەێد، و بڕەسێدە رفنەگان، ک پیاویگ و دوو ژنن، ولەدویای لێکۆڵینەوە و نشانداین بەڵگەگان، ئاشکرای کردەوەی خوەیان کردن وە رفانن وئەشکەنجەی رفیایەگان، وە ئەشکەنجەی سەختیگ وە دەسوەشانن قورس و وەداەرو کردنیان وەقەی قەواسەی ماڵەگە، ئەویش لەوەر ناکۆکیەیلیگ لەناوبەینیان.
بەیاننامەگە وتیش؛ قسەیلیان لە دادوەری واژووکریا، وهەمیش ئاشکرای بەلگەیی کریا لە شوون رووداوەگە، ک وەگەرد قسەیلیان گونجیا، و دادوەر لێکۆڵینەوە بریار بەندینیان کرد وەگورەی مادەی ٤٢١ لەیاسای سزادان عراقی.
