لە کەرکوک.. فێرخوازیگ ٤٠٠ هزار ئەنتیکە خڕەو کەێد ك بەشیگیان فرە نەختە
شەفەق نیوز/ هزار٤٠٠ ئەنتیکەی ئاسەواری و کۆنە، ژمارەی گەپیگە، وەخت و نووڕستن وتوێژینەوە خوازێد، تا سەرچەوەیل ئەنتیکەگان بزانیەێد، و هەڵبەت ئی کارە هەست خوەشیگ دیرێد لە ئاشکراکردنی وەڕەسین ئەرا واتەگان.
ئەو هەست و ئاره‌زوە لە گشت چشتە ئاسەواری وکۆنەگان هەس، چ لەلیان هەڵگری، یا بەشیگیان بفرووشی، یا وەگەردیان ژیان بکەی.
حسێن موستەفا (٥٦ ساڵان) خەڵک کەرکوکە، ئیسە ترسێدە بان چشتەگانی ئەوەنە گرنگ و فرەن.
حسێن ئەرا ئاژانس شەفەق نیوز ئووشێد؛ ئەرا ٣٠ ساڵە کارکەم لە خڕەوکردن کوتە ئاسەوار کۆنەگان، و ئیجا فرووشتنیان، ک لە فێرخوازیەو بویە بازرگانی.
لە ساڵ ٢٠٠٧ ، موستەفا دوکانیگ کردەو ئەرا فروشتن چشتەیل ئاسەوار وکۆنەنەگانی لە شار کەرکوک ک لەناوی کەلتورەیل جیواز وە جیوازی نەتەوە وئاین وتایفەی دانیشتوەیلی تیکڵابویە.
و لە ماوەی ئی ساڵەیله موستەفا زیاتر لە ٤٠٠ هزار ئاسەواری و کۆنە خڕەوکرد.
بەڵکم ئی چشتەیلە لەناو دوکانەگەی موستەفا خوەی گشت داراییەگەی نیە، بەڵکم ئەنتیکەیلیگ دیرێد وەنرخیگ ئەرزش نێکریەێد، ناگەسەی شوون قایمیگ لە ترس دزینیان، هەکاتی ئەوەگ وەرجەیە وەسەری هاتگە.
ودویای ئەوەگ تەمەنی گەوراوە بوی، هویر لە چارەنووس چشتەگانی کەێد.
ئووشێد؛ داوا لە کوڕەیلم کردم ئەگەر چشتیگ وەسەرم هات دوکانەگە لە شوونم بوەنە ریەو، وەلی رازی نەوین، چوونە خوەشیان لەی کارە نیەتیەێد، ومن نیگەرانم لەی باوەتە، و نیه‌خوازم ئی جوور چشتەیل نەختەیگ لەناو بچن.
موستەفا هەمیش ئووشێد؛ وەداخەو ک حکومەتەگەمان و بڕیگ لە مەردم ئەرزش ئی چشتەیلە نێزانن، و کەمیگ لە مەردم هەس تیەن ئەرا سەنین چشتە کۆنەگانم، بیجگە ئاسەواریەگان ک نێفرووشمەیان، چوونکە وەنرخیگ ئەرزش نێکریەن.
حسێن موستەفا لە کۆتایی ئومیدخوازێد لە حکومەت و مەردم گرنگی بیەنە ئی چینە، چوونکە مێژووە، و مێژوو دوارەو نێەوود.
