لە دوو پارێزگا.. کوشیان سێ کەس یەکیگیان لەناو مرافەیگ چەکدار
شەفەق نیوز/ سەرچەوەیگ ئەمنی، ئمڕوو سێشەممە، خەوەردا لە کوشیان سێ کەس لە پارێزگایل بەغداد و نەینەوا.
سەرچەوەگە ئەرا ئاژانس شەفەق نیوز وت: کوڕیگ لە داڵگبوی ساڵ ٢٠٠٧، مەوقەی بازیکردن وە چەک ڕاو لەناو ژووریگ لە ماڵەگەی لە ناوچەی عوبەیدی خوەرهەڵات بەغداد گیانی لەدەسدا، و هیزەیل ئەمنی رەسینە شوین رویداوەگە و تەرمەگە ئەرا پزشک دادوەری کلکردن، و لێکوڵینەوە لە رویداوەگە واز کردن.
لەلایێگتر، سەرچەوەگە دیاری کرد ک مرافەیگ لەناوبەن چەن کەسیگ وەدەس، رەسیە وەکارهاوردن چەک سووک لەنزیک مەیدان فارس لەلای کەرخ بەغداد، ک رەسیە کوشیان کەسیگ وەکوتپڕ.
سەرچەوەگە وتیش: هیزیگ ئەمنی رەسیە شوین رویداوەگە، و بکوشەگە دەسگیر کرد، و لێکۆڵینەوە لە رویداوەگە واز کرد.
لە نەینەوا، گەنجیگ لە تەمەن ١٨ ساڵان وەگولەی هاوساگەی کوشیا، ک وەگەردی لەناو خود ماشین بویە.
سەرچەوەیگ ئەمنی ک ئەرا ئاژانس شەفەق نیوز وت: بکوشەگە گولە لەدەس خوەی داگە ک هووکارەیل ئی کارە دیار نییە.
وتیش: بکوشەگە گەنجەگە هاوردیە، گوایە دزیگ هاناو گەڕەکەگە، و داوای دەسمیەتی لەلی کردیە تا مینەی دزەگە بکەن، و گەنجەگە سوار ماشین بکوش بویە، و لە کامیرایل چەودیاری دیار دەێد ک هەردوگیان لەناو ماشینەگە بوینە، و لە نزیکەو گولە لە قوربانیەگە وەشانیە.
سەرچەوەگە وتیش: بکوشەگە دەسگیر کریاگە، و لێکوڵینەوە ئەرا رەسین وە بندروس تاوانەگە واز کریا.
