لە دوو پارێزگا.. کوڕیگ وەگولە دەێد لە داڵگی و ٤ زەخمداری وە رویداویگ هاتوچو
شەفەق نیوز/ سەرچەوەیگ ئەمنی لە نەجەف، ئمڕوو پەنجشەممە، خەوەردا لە جیوەجیکردن سزای لەسێدارەدان لەبان کابرایگ یەکیگ لە کەسوکارەیلی کوشتیە، لەناو رسوومەیل خاکسپاردن مردگیگ لە قەورسان وادی سەلام، و کوڕیگیش گولە لە داڵگی دایە، و چوار کەسیش وە رویداویگ هاتوچو لە باشوور عراق زەخمدار بوینە.
سەرچەوەگە ئەرا ئاژانس شەفەق نیوز وت: دادگای نەهیشتن تاوان نەجەف، فەرمان لەسێدارەدان لەبان کابرایگ دەرکرد، دویای تاوانبارکردنی وە کوشتن ئاموزاگەی وە چەقوو مەوقەی خاکسپاردن مردگیگ لە قەورسان وادی سەلام.
لە رویداویگتر، سەرچەوەگە وت: هیزەیل ئەمنی هەمیش توومار تەقەکردن کوڕیگ لە داڵگی کردن، ک دوو گولە داگەسە لەشی، ئەوەیش لەناو ماڵیان لە ناحیەی مشخاب، دویای ناکۆکییگ وەرد داڵگی.
هەرلیوا، سەرچەوەیگ ئەمنی لە زیقار ئەرا ئاژانس شەفەق نیوز وت: چوار کەس وە رویداو هاتوچو ناوبەین چوار ماشین لە قەزای غەراف باکوور پارێزگاگە زەخمدار بوینە.
وتیش: زەخمدارەیل ئەرا خەسخانەی تورکی بریان، ئەرا وەرگردن چارەسەری.
