لە دوو پارێزگا... مردن و زەخمداری 8 کەس وە رویداو هاتوچو
2022-08-28T07:42:42+00:00
شەفەق نیوز/ سەرچەوەیگ لە هاتوچو، ئمڕوو یەکشەممە، خەوەردا لە مردن و زەخمداری 8 کەس لە دوو رویداو هاتوچو جیاجیا لە عراق.
سەرچەوەگە وە ئاژانس شەفەق نیوز خەوەردا، چوارکەس ( دوو پیاو و دوو ژن) گیان لە دەسدانە وە رویداو هاتوچو لە چواریان محەمەد قاسم لە پارێزگای بەسرە وە ئاراستەی پیەڵ زوبێر.
سەرچەوەگە وتیش، رویداوەگە لە مابەین دوو ماشین رویدایە یەکیگیان لە جویر (لۆری سکانیا) ئەوەکەیش (بیجۆ ئیرانی).
سەرچەوەگە دیاریکرد، چوار گەشتیار ئیرانی لە وەخت چگنیان ئەرا کەربەلا زەخمداربوینە.
وتیش، ئەو ماشینەی گەشتیارەیلە هەڵگردوێد پلیایە لەبان ری بەستەر مابەین بابل و کوت نزیک ناحیەی شەوملی.
