لە دوو پارێزگای عراق.. گەنجیگ خوەی سزنێد و پەلاماریگ لەبان ماڵ ئەفسەریگ
2024-01-12T05:54:07+00:00
شەفەق نیوز/ سەرچەوەیگ ئەمنی لە پارێزگای نەجەف، ئمڕوو جمعە، خەوەردا کە گەنجیگ خوەی کوشت هەنار ئاگر خوەی دا، لەوەر هووکارەیل نادیاریگ.
سەرچەوەگە ئەرا ئاژانس شەفەق نیوز وت: گەنجیگ لەناو تەمەن بیس ساڵان، لەناو ماڵەگەی خوەی لە حەی عەسکەری لە قەزای کووفە ناوڕاس شار نەجەف خوەی سزان.
سەرچەوەگە دیاری کرد کە هیمان هووکارەیل خوەیکوشتنی لەلای دەزگایل ئەمنی نادیارە، و تەرمەگەی ئەرا پزشک دادوەری بردن، و لێکۆڵینەوە لە رویداوەگە واز کریا.
بە پارێزگای بەسرە، کەسەیلیگ نەناسیاگ پەلاماریگ چەکدار لەبان ماڵ ئەفسەریگ پایەبەرز لە فەرماندەیی پولیس پارێزگاگە جیوەجی کردن.
سەرچەوەگە ئەرا ئاژانس شەفەق نیوز وت: کەسەیلیگ نەناسیاگ تەیە لە ماڵ خانەوادەی وەرپرس وەرین راگەیانن فەرماندەیی پولیس پارێزگاگە عەقید عەلی شیاع کردن، ئەوەیش لە قەزای زوبێر خوەرئاوای شار بەسرە.
سەرچەوەگە وتیش؛ پەلامارەگە زەرەد گەورەیگ وە ماڵەگە رەسان، و تاوانکارەیل وەرەو شەین نادیاریگ واینە، و دەزگایل ئەمنی کەفتنەسە مینەیان.
