لە دوو پارێزگای عراق.. زەخمداری کشاوەرزیگ وە تەقیان بومب و کوشیان گەنجیگ وە رویداو هاتوچو
2023-05-31T12:21:24+00:00
شەفەق نیوز/ دوو سەرچەوەی ئەمنی، ئمڕوو چوارشەممە، خەوەردان لە کوشیان گەنجیگ وە رویداویگ هاتوچو لەبان ری بەغداد - کەرکوک، و زەخمداری کشاوەرزیگ وە تەقیان بومبیگ دانریاگ لە دەورگرد ناحیەی بوهرز باشوور بەعقووبە.
یەکیگ لە سەرچەوەیل ئەرا ئاژانس شەفەق نیوز وت: گەنجیگ وە رویداویگ هاتوچو ناوبەین ماتوورسکڵەگەی وەگەرد ماشینیگ لەبان ری دووزخورماتوو - کەرکوک گیانی لەدەسدا، وتیش: تەرک گەنجەگە ئەرا پزشک دادوەری بریا، و دەسەڵاتەیل هاتوچو لێکۆڵینەوە لە رویداوەگە واز کردن.
لە دیالە، نەزار لهێبی وەڕیەوبەر ناحیەی بوهرز ئەرا ئاژانس شەفەق نیوز وت: کشاوەرزیگ وە تەقیان بومبیگ دانریاگ لە ئاوای خوالس باشوور شار بەعقووبە زەخمدار بوی.
لهێبی وتیش: هیزیگ ئەمنی رەسیە شوین رویداوەگە و لێکۆڵینەوە ئەرا رەسین وە بندروس رویداوەگە واز کرد، و دەسکردە وەشکین ئەو ناوە، وتیش؛ دیاری نەکریاگە ئەگەر بومبەگە کوینەس یا وەی نووە نریاگە.
