لە دوو پارێزگای عراق.. خنکیان کوڕیگ و کوشیان پیاییگ و کوشیان کەسیگ لەبان توریان ژن
لە پارێزگای دیالە، سەرچەوەگە ئەرا ئاژانس شەفەق نیوز وت: کوڕیگ لە تەمەن ١٤ ساڵان لەناو جوو ئاو (موحسن) لە دەورگرد ئاوای حەدید خنکیا، وتیش؛ تەرمەگەی دراوردن و ئەرا پزشک دادوەری بریا.
هەرلیوا، خود سەرچەوەگە وت: پیاییگ لەناو تەمەن سی ساڵان وە رویداویگ تلیان لەبان ری بەغداد - کەرکوک لە ئاوای عێن لەیلا سەروە ناحیەی عزێم گیانی لەدەسدا، و تەرمەگەی ئەرا فەرمانگەی پزشک دادوەری لە بەعقووبە بریا، و دەسەڵاتەیل هاتوچو لێکۆڵینەوە لە رویداوەگە واز کردن.
لە پارێزگای کەرکوک، سەرچەوەیگ ئەمنی ئەرا ئاژانس شەفەق نیوز وت: گەنجێک وەدەس خەسویرەی لە حەی نەسر لە کەرکوک کوشیا، ئەوەیش دویای دەمەقاڵیگ ناوەین بکوشەگە و باوان ژنەگەی، چوینکە توریایە و لە ماڵ دەرچگە و هاتیەسە ماڵ باوانی.
سەرچەوەگە وتیش؛ دەمەقاڵیگ کەفتە ناوەین زاوا و برای ژنەگە، مەوقەیگ شویەگە تەقەلا دایە ژنەگەی ئەرا ماڵ خوەی گلەو بیەێد، و رەسیەسە ئەوە ک زاواگە دەوانچە کیشایە و وە گولە برای ژنەگەی کوشتیە.
سەرچەوەگە دووپات کرد ک توومەتبارەگە ئیرنگە دەسگیر کریایە، و دریاسە دەس لایەنەیل ئەمنی.
