لە دوو پارێزگا...دیجلە کوڕیگ و گەنجیگ لەمەوقەی مەلەوانی قویت دەێد
2023-07-19T10:05:56+00:00
شەفەق نیوز/ سەرچەوەیل ناوخوەیی، ئمڕوو چوارشەممە، خەوەردان لە خنکیان کوڕیگ لە چەم دیجلە باکور پارێزگای سەڵاحەدین، و قویتداین گەنجیگ لە چەمەگە لە باشوور پارێزگای کەرکوک.
یەکیگ لە سەرچەوەیل وە ئاژانس شەفەق نیوز خەوەردا، " کوڕیگ تەمەن 14 ساڵان لەمەوقەی مەلەوانیکردن لەناو چەم دیجلە خنکیا، لە دەوروگەرد قەزای بێجی باکوور سەڵاحەدین، پۆلیس دەریاوانی مەردمەگە هانە مینەی تەرمە نقومبویەگە".
لە کەرکوک سەرچەوەیگتر، وە ئاژانسەگە خەوەردا، " گەنجیگ بیس ساڵان لە موقەی مەلەوانیکردن لەناو (چەم خاسە)، خنکیاگە، ک یەکیگە لە لقەیل چەم دیجلە، لە باشوور خوەرئاوای پارێزگاگە، و پۆلیس دەریاوانی تەرمەگەی دراوردنە و دەسڵاتدارەیل لێکۆڵینەوە لە رویداوەگە وازکردن.
