لە دوو پارێزگا.. خوەیکوشتن دویەتیگ و و دەسگردن وەبان 12کگم مادەی هووشبەر
2024-02-19T12:37:34+00:00
شەفەق نیوز/ سەرچەوەیگ ئەمنیلە زیقار، ئمڕوو دووشەممە، خەوەردا لە توومارکردن حالەتیگ خوەیکوشتن نوویگ لە باکوور خوەرهەڵات شار ناسڕیە ناوەن پارێزگاگە، هەمیش هێزەیل ئەمنی لە پارێزگای میسان دەسگردنە وەبان 12کگم مادەی هووشبەر.
سەرچەوەگە وە ئاژانس شەفەق نیوز وت، "دوەتیگ خوار بیس ساڵان خوەیکوشتیە لە ری خنکانن خوەی وە پەت لەناو ماڵیان لە قەزای دەوایە باکوور خوەرهەڵات پارێزگای زیقار".
سەرچەوەگە وتیش "بارودۆخ خوەیکوشتنەگە تا ئیسە رووشن نییە" دیاریکرد "تەرمەگەی ئەرا پزیشک دادوەری کلکریایە تا رێکارەیل پێویست بگیرێدەوەر".
لەلاییگ ترەک، وەڕێوەبەر گشتی بەڕەنگاربوین مادەی هووشبەر و کاریگەری دەروینیەگان ئەحمەد زرکانیلە بەیاننامەیگ رەسیە ئاژانس شەفەق نیوز راگەیان، دەسگیریایە وەبان 12کگم مادەی کریستال هووشبەر و دەسگیرکردن شمارەیگ توومەتبار لە پارێزگای میسان و پارێزگایەیل ترەک.
