لە دوو پارێزگا.. خنکیان گەنجیگ و تەقەلای کوشتن کەسیگ وە گولە
2023-03-22T13:34:02+00:00
شەفەق نیوز/ دوو سەرچەوەی ئەمنی، ئمڕوو چوارشەممە، خەوەردان لە کوشیان گەنجیگ وە خنکیان، و تەقەلای کوشتن گەنجیگتر وە گولە لە پارێزگایل سەڵاحەدین و دیالە.
لە پارێزگای سەڵاحەدین، سەرچەوەگە ئەرا ئاژانس شەفەق نیوز وت: گەنجیگ دویای خنکیانی لەناو گوڵەمیگ ئاو لە کارخانەی کەرەستە لە قەزای دووزخورماتوو خوەرهەڵات سەڵاحەدین گیانی لەدەسدا.
سەرچەوەگە وتیش: تەرم گەنجەگە بریا فەرمانگەی پزشک دادوەری، تا ئیجا بیریەێدە دەس خاوەنی، و دەسەڵاتەیل لێکۆڵینەوە لە رویداوەگە واز کردن.
لە دیالە، سەرچەوەیگ ئەمنی ئەرا ئاژانس شەفەق نیوز وت: دەزگایل ئەمنی گەنجیگ زەخمدار لە نزیک ناوچەی پیشەسازی سێیەم پەیا کردن، و گولە دریاسە چەن شوینیگ لە لەشی، و دیاری کرد ک گەنجەگە بریا خەسەخانە و زەخمەیلی سەختە.
سەرچەوەگە وتیش: لێکۆڵینەوە ئەراک رەسین وە تاوانکارەیل و سرووشت تاوانەگە وەردەوامە.
