لە دوو پارێزگا.. پەیاکردن تەرم پیاویگ لەناو ماڵەگەی و گولەی ویڵ کۆتای وە ژیان گەنجیگ تیارێد
2024-01-16T07:43:30+00:00
شەفەق نیوز/ دوو سەرچەوەی ئەمنی لە پارێزگایسەڵاحەدین و دیالە خەوەردان لە پەیاکردن تەرم پیاویگ لەناو ماڵەگەی لە دەوروگەرد قەزای سامەرا باشوور خوەرهەڵات تکریت، و مردن گەنجیگ وە تەقە کردن هەڵە مەوقەی خاسەوکردن چەک لە باکوور خوەرئاوای بەعقوبە.
سەرچەوەگە وە ئاژانس شەفەق نیوز خەوەردا، دەزگایەیل ئەمنی و مەردم تەرم پیاویگ 45 ساڵان وە مردگی لەناو ماڵ خوەی لە ناوچەی (دوانم مەعمەل) لە دەوروگەرد قەزای سامەرا باشوور خوەرهەڵات تکریت پەیاکردنە".
وتیش "وەپای راپۆرت پزیشکی پیاوەگە ماوەی 10 رووژە مردیە و وە تەنیا لەناو ماڵەگەی بویە دەسڵاتدارەیل ئەمنی لێکۆڵینەوە لە رویداوەگە وازکردنە".
لە دیالە؛ سەرچەوەگە وە ئاژانس شەفەق نیوز وت، "گەنجیگ گیان لەدەسدایە وە گولەی ویڵ کە مەوقەی خاسەوکردن چەک کلاشینکۆف وەلایەن یەکیگ لە کەسوکارەگەی تەقیە لە ناحیەی جەدیدەت شەت باکوور خوەرئاوای بەعقوبە".
وتیش "دەسڵاتدارەیل ئەمنی لێکۆڵینەوە لە رویداوەگە وازکردنە ئەرا ئاشکەراکردن چۆنیەتی رویداوەگە"
