لەدویای وایین لە زیندان.. دەسگیرکردن کەسیگ کە تاوان کوشتنیگ ئەنجامدایە لە دیالە
2023-11-28T08:38:41+00:00
شەفەق نیوز/ سەرچەوەیگ ئەمنی، ئمڕوو سێشەممە، خەوەردا لە دەسگیرکردن توومەتباریگ وە تاوان کوشتن رخبەریگ لە دیالە لە دویای وایینی لە یەکسگ لە بنکەیل دەسوەسەرکردن ئەمنی.
سەرچەوەگە وە ئاژانس شەفەق نیوز خەوەردا؛ "هێزەیل ئەمنی لە گوزەشتە توومەتباریگ دەسگیرکردن وە توومەت کوشتن هاوڵاتییگ لەدویایش کوت کوتی کردیە و فرەێ داس لە دەوروگەرد بەعقوبە باوجی توومەتبار مەوقەی هچان وەرگردن لە ناو حەوش زیندانەگە توەنستیە بواێد و لەدویای هەڵمەتیگ وەشوین کەفتن و وەشکین لە بەعقوبە نەتوەنستن پەیایبکەن".
سەرچەوەگە وتیش؛ " لەدویای وە شوین کەفتن و هەماهەنگیکردن توومەتبارەگە دەسگیرکریا لە دەوروگەرد قەزای حسێنیە لە باکوور بەغداد و ئەرا لایەنەیل یاسایی تایبەت کلکریا وەپای مادەی 406 لە یاسای سزادان عراقی".
