لەدویای چەوەڕێکردن درویژیگ... لە مانگ ئایندە دەسمیەتی دارایی درێدە خوەنەوارەیل
2023-10-30T09:13:52+00:00
شەفەق نیوز/ وەزیر کاروبار کۆمەڵایەتی ئەحمەد ئەسەدی، ئمڕوو دووشەممە، دووپاتکرد دەسمیەتییگ دارایی دریەێدە ئەو خوەنەوارەیلە کە گرێدەیانەو لەماوەی مانگ ئایندە.
ئەسەدی لە کۆنگریگ رووژنامەوانی کە ئاژانس شەفەق نیوز ئامادەبوی راگەیان، " دەسەی پاراستن کۆمەڵایەتی لە دویای تەواوکردن پەیوەنی تووڕەگە وەگەرد وەڕیوبەرایەتیەیل پەروەردە لە بەغدا و پارێزگایەیل وەپای بڕ نویس گردەوبوینەی رووژ بیس و پەنج مانگ ئایندە یەک ملیۆن و 835 هەزار خوەنەوار لە دەوام فەرمی توومارکریانە، لەهەمان وەخت شمارەی ئەو خوەنەوارەیلە لە دەوام بڕیانە رەسیەس ئەرا4145 خوەنەوار هەردگ رەگەز".
وتیش " بڕ دانریاگ ئەرا دەسمیەتی خوەنەوارەیل ئەرا مانگ تەشرین یەکەم رەسێدە 67 ملیار و756 ملیۆن و160 هەزار دينار ئەو بڕە ئەرا وەزارەت پەروەردە دیاریکریاس لە مانگ ئایندە خەرج کریەێد".
