لەدویای بەشداریکردنیان لە سەرژماری.. سەرژمارکەرەیل دیالە داوای دامەزرانن کەن

شەفەق نیوز/ دەیان کەس لەو سەرژمارکەرەیلە کە بەشداربوین لە سەرژماریەگەی ئمساڵ، ئمڕوو سێشەممە، خوەنیشاندان کردن لەناوڕاس شار بەعقوبە ناوەن پارێزگای دیالە، داوای دامەزرانن کردن.

پەیامنێر ئاژانس شەفەق نیوز لە پارێزگای دیالە راگەیان، دەیان کەس کە  لە سەرژماریکردنەگەی ئمساڵ ئەرا دانشتگەیل بەشداربوین کە هاتێ دەرچگەیل بوون گردەوبوینیگ ناڕەزایی رێکخسن لەناوڕاس شار بەعقوبە.

وتیش، خوەنیشاندەرەیل داوای دامەزراننیان کەن جویر گرێبەست یا لەبان میلاک هەمیشەیی لەوەر بەشداریکردنیان لە سەرژماریەگەی ئمساڵ.

دیاریکرد، دەزگایەیل ئەمنی ئەورەی شوینەگە دایە ئەرا دابینکردن بیوەیی خوەنیشاندەرەیل و مەزەنەکردن ئەرا رویدان هەر رویداویگ.