لە دیالە.. پیاویگ هاوسەرەگەی کوشێد ئیجا تەقە لە خوەی کەێد
شەفەق نیوز/ سەرچەوەیگ خۆجێی لە دیالە، ئمڕوو دووشەممە، خەوەردا ك پیاویگ هاوسەرەگەی خوەی کوشت ئیجا گولەیگ نا خوەیەو لە دەورگرد قەزای خاڵس لە دیالە، و هەمیش نەناسریاگەیلیگ قەور مردگیگ وەکۆڕۆنا لە بەعقوبە دەنەو.
سەرچەوەگە ئەرا ئاژانس شەفەق نیوز وت: پیاویگ لە تەمەن ٦٩ ساڵان وەدەوانچە تەقە لە هاوسەرەگەی خوەی کرد و کوشتەی لە گەڕەک علێیات لەناوڕاس قەزای خاڵس.
وتیش؛ پیاوەگە دویای ئەوە تەقە لەخوەی کرد وزەخمداربوی، لەبان ئەوە بریا ئەرا خەسەخانە، و رەوش تەندروسیی خراوە، و دەزگا ئەمنیەگان لێکۆڵینەوەیگ کردنەو ئەرا ئاشکراکردن ووردەکاری رووداوەگە.
لە باوەت جیوازیگ، سەرچەوەگە وتیش؛ نەناسریاگەیلیگ قەور مردگیگ وەکۆڕۆنا لە قەورسان ''ئیمام حەسەن'' دانەو لە دەورگرد بەعقوبە، و تەرمەگە وەرەو شوون نادیاریگ بردن.
سەرچەوەگە وەتیش؛ هێزە ئەمنیەگان وەردەوامن لە مینەکردن ئەو کەسەیلە و ئاشکراکردن هووکارەیل رووداوەگە.
