لە تاوانیگ دڵتەزن.. پیاویگ لە میسان سێ مناڵ خوەی خنکنێد
شەفەق نیوز/ئمڕوو سێشەممە، تاوان دڵتەزنیگ لە قەزای قەلعەت ساڵح لە پارێزگای میسان بوی، هەنای باوگیگ لەوەر ناوکۆکیەیلیگ وەگەرد هاوسەرەگەی، سێ مناڵ خوەی وەخنکانن کوشت.
وەڕێۆبەرایەتی پۆلیس پارێزگای میسان لە بەیاننامەیگ ئمڕوو وت: دویای رووداوەگەی قەلعەت ساڵح لە باشوور شار عمارە، و لەوەر مەترسیداری رووداوەگە عەمید عەبدولخزر جاسم محمد فەرماندەی پۆلیس پارێزگاگە فەرمان دروسکردن تیمیگ ئەرا ئاشکراکردن ووردەکاریەیل رووداوەگە دا.
وتیش: تاوانبارەگە (باوگیان) لە دویای واینی لە ماڵەگە و زیاتر لە یەک ساعەت وەشوونکەفتن دەسوەسەر کریا، و لە لێکۆڵینەوەگان ئاشکرای گرفتەیلیگ خیزانی وەگەرد هاوسەرەگەی کرد، و وەکارهاوردن مادەیگ هووشبەر، ک هەرسێ مناڵە ناخاڵەگەی تا مردن خنکان ک خوەیان (کوڕه گەپەگەی ٩ ساڵانە، و دوویەمەگە ٨ ساڵانە، و دوێتە بویچکەگەی ٥ ساڵانە).
پۆلیس لە بەیاننامەگەی ئاماژە کرد ک قسەگانی واژوو کریا، و هەواڵی دادوەری ئەرا وەرگردن سزاگەی کریا.
