لە بەغداد.. دەسگیرکردن ئەفسەریگ لە ئاژانس هەواڵگری فیدراڵی لەناو تووڕ قاچاغی نەفت

شەفەق نیوز/ سەرچەوەیگ ئەمنی وەرپرس، ئمڕوو پەنجشەممە، خەوەردا لە دەسگیرکردن ئەفسەریگ لە ئاژانس هەواڵگری و لێکۆڵینەوەی فیدراڵی، وەتوومەت ئەوە ک هاناو تووڕیگ قاچاغی نەفت.

سەرچەوەگە ئەرا ئاژانس شەفەق نیوز وت: هیزیگ تایبەت لە دەزگای ئاسایش نیشتمانی وەگورەی یاداشت دەسگیرکردن دادوەری، ئەفسەریگ وە پلەی عەقید لە ئاژانس هەواڵگری دەسگیر کرد، ئەوەیش لەنزیک بازاڕ میساق لە ناوچەی بچووک خوەرهەڵات بەغداد پایتەخت.

وتیش: زانیاریەیل نشان دەن ک ئەفسەرەگە توومەتبارە ک هاناو تووڕیگ قاچاغی نەفت.

دویەکە چوارشەممە، دەزگای ئاسایش نشتمانی، چەکانن تووڕ گەورەیگ ئەرا دزیکردن و قاچاغی نەفت خام لە پارێزگای بەسرە راگەیان، وتیش؛ ئەفسەرەیل گەورەیگ و بازرگانەیل گەپیگ هاناو تووڕەگە، و دیاری کرد ک نزیکەی ٧٥ لەتر لە مانگیگ قاچاغ کەن.