لە بەغدا و بەسرە.. پیاویگ خویکوشێد و کابرایگیش براگەی کوشێد

شەفەق نیوز/ سەرچەوەیگ ئەمنی، ئمڕوو یەکشەممە، خەوەردا لە کەسیگ خوەیکوشتیە و یەکیگتر براگەی کوشتیە لە دو روداو جیاواز لە پارێزگای بەغدا و بەسرە. 

سەرچەوەگە وە ئاژانس شەفەق نیوز خەوەردا، وە هووکارەیل دەرۊنی پیاویگ لەبان ماڵەگەی خوەی خەێدەخوار روداوەگە دەسوەجی بۊیە هووکار مردنی. 

دیاری کرد روداوەگە لە شار سەدر لە خوەرهەڵات بەغدا رۊدایە. 

لە روداو دۊیەم سەرچەوەگە وت، پۆلیس بەسرە تاوانبار هەڵهاتگیگ دەسگیر کردنە ک براگەی وە  تفەنگ راوکردن کوشتیە. 

ئەو سەرچەوەیە وتیش، تاوانبارەگە گولە نایەسە  سینەی براگەی لە ژیر ملی دۊیای ئەوەگ تاوانبارەگە ئەرا شۊن نادیاریگ چگە هێزەیل ئەمنی تۊنستنە دۊیای جەمکردن زانیاری  تاوانبارەگە دەسگیر بکەن و بیەنەی دەس دادگا.