لە 4 پارێزگا...دەسگیرکردن 9 کەس وە توومەت تیرۆر و قاچاغکردن ئاسەوار
شەفەق نیوز/ ئاژانس هەواڵگێری و لێکۆڵینەوەی فیدراڵی لە وەزارەت ناوخوەی، ئمڕوو دووشەممە، راگەیان وە ئۆپراسیۆنەیلیگ جیاواز لە چوار پارێزگا شمارەیگ تیرۆرست و قاچاغچی ئاسەوار دەسگیرکریانە.
ئاژانسەگە لە بەیاننامەیگ رەسیە ئاژانس شەفەق نیوز وت، وەپای زانیاری هەڵواگێری هویردەیل وەڕێوەبەرایەتی هەواڵگێری و دژە تیرۆر میسان توەنست ئۆپراسیۆنیگ ئەمنی گرانیگ جیوەجی بکەێد وە دەسگیرکردن چوار داواکریگ وەپای مادەی 4/2 تیرۆر لە پارێزگاگە.
ئاژانسەگە وتیش؛ مەفرەزەیل هەواڵگێری تیپ یەکەم پۆلیس فیدراڵییەکیگ لە داواکریاگەیل وە توومەت کوشتن دەسگیرکرد وەپای هەمان مادە، وتیش دەسگیرکردنەگەی لەدویای وەدویاچگنکردن بویە ئەرای لەناو یەکیگ لە کویچەیل خوەرهەڵات بەغداد پایتەخت.
لەلایگیش ئاژانسەگە لە بەیاننامەگەی راگەیان، مەفرەزەیل وەڕیوەبەرایەتی دژەتاوانەیل پارێزگای بەسرە دوو بازرگان ئاسەوار دەسگیرکردن کە 8 پارچە ئاسەواری وەپیان بوی، هەمیش مەفرەزەیل تایوەت لە پارێزگای نەجەف دوو بازرگان ئاسەوار دەسگیرکردن کە 17 پارچە ئاسەواری وەپیان بویە، وەگەرد ماشینیگ کە وەپیان بویە.
دووپاتکرد گشت دەسگیرکریاگەیل ئەرا لایەنەیل پەیوەنیدار کلکریانە تا رێکارەیل یاسایی پێویست وەرانوەریان بگیریەێد و بڕەسنە سزای دادپەروەرانەی خوەیان.
