كۆرۆنا روێ له خورماتوو كرد و دو پزيشكيش له زيقار تويشى بوين
2020-05-20T20:28:15+00:00
شه‌فه‌ق نيوز/ قه‌زاى خورماتوو، دو حاڵه‌ت تويشبوين وه ڤايرۆس كۆرۆنا تۆمار كرد ئه‌را يه‌كه‌مجار، له پاريزگاى زيقاريش دو پزيشك تويش ڤايرۆسه‌گه هاتن.
قايمقام قه‌زاى خورماتوو له لێدوانيگ ئه‌را رووژنامه‌نويسه‌يل وت: دو حاڵه‌ت تويشبوين وه ڤايرۆس كۆرۆنا له قه‌زاگه ئه‌را يه‌كه‌مجاره تۆمار كرد.
له پاريزگاى زيقاريش سه‌رچه‌وه‌يگ پزيشكى ئاشكراى تويشبوين دو پزيشك كرد وه ڤايرۆسه‌گه له چوارچيوه‌ى ئه‌و كارمه‌نده‌يله ك يه‌كه‌ى عه‌زلكردن بوينه له نه‌خوه‌شخانه‌ى ئيمام حسێن له ناسريه.
له‌ى باوه‌تيشه‌و، سه‌رچه‌وه‌گه ئه‌را ئاژانس شه‌فه‌ق نيوز وت: پزيشكيگ موقيم و پزيشكيگ تر ئافره‌ت وشكانن ئه‌را خوه‌يان ئه‌نجام دانه، ده‌ركه‌فتگه ك تويش ڤايرۆس كۆرۆنا بوينه.
