كوشيان و زەخمداری ٥ کەس وە رویداوەیل هاتوچو لە دوو پارێزگا
2023-03-02T11:53:10+00:00
شەفەق نیوز/ دوو سەرچەوەی ئەمنی لە دیالە و سەڵاحەدین، ئمڕوو پەنجشەممە، خەوەردان لە کوشیان و زەخمداری ٥ کەس وە رویداوەیلەیلیگ هاتوچو جیاجیا لە دوو پارێزگاگە.
سەرچەوەیگ ئەمنی لە دیالە ئەرا ئاژانس شەفەق نیوز وت: ٣ مەدەنی زەخمدار بوین لە ئەنجام لەیەکداین دوو ماشین لەبان ری مەنزەریە لە دەورگرد خانەقین، دیاری کرد ک زەخمدارەیل بریانە خەسەخانەی خانەقین، و دەسەڵاتەیل هاتوچو لێکۆڵینەوە لە رویداوەگە واز کردن.
لە سەڵاحەدین، سەرچەوەیگ ئەمنی ئەرا ئاژانس شەفەق نیوز وت: مامووستایگ لە ئەنجام لەیەکداین دوو ماشین لەبان ری ئاوای قۆشچیە دەورگرد قەزای دووزخورماتوو گیانی لەدەسدا، و دیاری کرد ک لایەنەیل ئەمنی و هاتوچو لێکۆڵینەوە لە رویداوەگە واز کردن.
لە رویداویگتر، کراکاریگ لە بانزینخانەیگ دەورگرد ناحیەی سلیمان بەگ خوەرهەڵات سەڵاحەدین گیانی لەدەسدا.
وەگورەی سەرچەوەگە، ئەو کراکارە مەوقەی رویکردنی وەرەو ئەودیم جادەیگ سەرەکی ماشینیگ بارهەڵگر تون تلانیەسەی.
