سەرچەوەگە ئەرا ئاژانس شەفەق نیوز وت: رویداویگ هاتوچو کەفتە ناوەین دوو ماشین بارهەڵگر لەبان ری گشتی ناوەین ناسریە و شەترە، بویە هوکار کوشیان چوار کەس وەکوتپڕ، و زەخمداری هەفت کەس ترەک.

وتیش: تیمەیل فریاگوزاری رەسینە شوین رویداوەگە و تەرم مردگەیل ئەرا پزشک دادوەری بردن، و زەخمدارەیل ئەرا نزیکترین خەسەخانە. 

سەرچەوەگە وتیش: زیارەتکەریگ خەڵک پارێزگای میسان وەرەو کەربەلا چیە، کەفتە وەر تلیان لە ناحیەی فەجر باکوور پارێزگای زیقار، و بریا ئەرا بنکەی تەندروسی.

 سەرچەوەگە دیاری کرد کە ماشنیگ لە قەزای غەراف پلیا، و بویە هوکار زەخمداری دوو کەس یەکیگیان زەخمداریی سەختە، و ئەرا خەسەخانە بریان.