كوشیان و زەخمداری ٦ کەس لە رووداوەیلیگ هاتووچو لە دیالە
2021-06-10T12:49:23+00:00
شەفەق نیوز/ سەرچەوەیگ ئەمنی لە دیالە، ئمڕوو پەنجشەممە، خەوەردا لە کوشیان دوو کەس و زەخمداری ٤ کەس تر لە رووداوەیلیگ هاتووچو و خنکانن لە ناوچەیلیگ جیاجیا لە پارێزگاگە.
سەرچەوەگە ئەرا ئاژانس شەفەق نیوز وت: شەوەکی ئمڕوو، پۆلیس ئاوی تەرم کوڕیگ ١٢ ساڵان لەناو چەم دیجلە لە نزیک ئاوای دۆجمە لە نزیک قەزای خاڵس دراورد.
سەرچەوەگە وتیش؛ یەک مەدەنی وە رووداویگ لەیەکداین ماشینەیلیگ و ماتۆرسکڵەیلیگ گیانی لەدەسدا و ٤ کەس تر زەخمدار بوین، لەبان ری بەعقوبە- خاڵس و بەغداد - کەرکوک لە نزیک ناحیەی عزێم.
