كه‌ناڵيگ ئه‌مريكى ئاشكراى هاتن ره‌ته‌ڵيگ سه‌ربازێ ئيرانى كرد ئه‌را عراق
2019-12-14T11:40:55+00:00
شه‌فه‌ق نيوز/ سه‌رچه‌وه‌يگ له وه‌زاره‌ت ناوخوه‌يى عراقى جه‌خت له راسيى ئه‌و ڤيديۆ كرد ك به‌ڵگه‌ى هاتن ره‌تڵيگ سه‌ربازى له ئيرانه‌و ئه‌را ناو خاكه‌يل عراق ده‌رئه‌خا له‌ڕێ ده‌روازه‌ى زرباتيه.
له‌و گره ڤيديۆ شاحنه‌يليگ گه‌ورا ده‌رئه‌كه‌فێد ك زريپۆش و سه‌ياره‌يل سه‌ربازى هه‌ڵگرتنه له شه‌و 12ى ئى مانگ ديسه‌مبه‌ره، جوور ئه‌وه‌گ كه‌سيگ له ڤيديۆگه باس ئه‌كا.
له هه‌مان وه‌خت ئه‌فسه‌ريگ له ناوخوه‌يى عراقى ئه‌را كه‌ناڵ حوڕه‌ى ئه‌مريكى جه‌خت له راس و دروسى ئه‌و ڤيديۆ كردگه‌و ئه‌وه ده‌رخستگه ئه‌و گرته‌ى ڤيديۆييه له ده‌روازه‌ى مه‌رزێ زرباتيه وه‌ل ئيران گيرياگه ك شاحنه‌يليگ گه‌ورا له‌تى ده‌بابه و زريپۆش له خاكه‌يل ئيرانه‌و وه‌ره‌و عراق هه‌ڵگرتنه.
