كه‌ركوك تيق و جفت هه‌ڵوه‌شان و رێ وه كردنه‌وه‌ى دوكانه‌يل بازرگانى دا
شه‌فه‌ق نيوز/ ليژنه‌ى قه‌يران له كه‌ركوك، بڕيار هه‌ڵوه‌شاننه‌وه‌ى بڕيار تيق و جفت دا ك تايبه‌ته وه سه‌ياره‌يل و ئاماژه وه‌يه‌يش كرد رێ وه وازكردن دوكانه‌يل بازرگانى داگه له ديواى ده‌مه‌وكردن، ئه‌ويش له‌وه‌ر ئاماده‌كارى ئه‌را جه‌ژن ره‌مه‌زان.
ليژنه‌ى قه‌يران له به‌ياننامه‌يگ ئه‌را ئاژانس شه‌فه‌ق نيوز وت: بڕيار وازكردن ئه‌و دوكانه‌يله درياگه ك كه‌لپه‌ل و دڵنگ فرووشن له سه‌رجه‌م شار كه‌ركوك له سه‌عات 8 شه‌وه‌كى تا سه‌عات 12ى نيمه‌ڕوو.
ليژنه‌گه وت: ئى بڕياره له‌شوون ره‌زامه‌نى ئه‌ندامه‌يل شانه‌ى قه‌يران هاتگه له‌وه‌ر ئه‌وه‌گ پاريزگاگه ئه‌را ماوه‌ى چه‌ن رووژيگه هويچ حاڵه‌تيگ تويشبوين وه كۆرۆنا تۆمار نه‌كردگه‌و له‌وه‌ر كه‌مه‌وكردن رێ وشوونه‌يل قه‌يه‌غه‌و له‌وه‌ر ئه‌وه‌گ هاووڵاتيه‌يل بتويه‌نن هه‌وه‌جه‌يليان دابين بكه‌ن وه‌رجه جه‌ژن ره‌مه‌زان پيرووز.
