كازمى: من سه‌رۆك وه‌زيره‌يل قه‌يرانم و عه‌ساى سحرى ئه‌را عراق نه‌يرم
شه‌فه‌ق نيوز/ مسته‌فا كازمى سه‌رۆك وه‌زيره‌يل راسپارياى ئه‌را دامه‌زرانن حكومه‌ت، باس له‌وه كرد نه خوه‌ى و نه‌يش كه‌سيگ تر بيجگه خوه‌ى عه‌ساى سحرى نه‌يرن ئه‌را چاره‌سه‌ر ئى قه‌يرانه‌يله ك روێ له عراق كردگه.
كازمى له ديمانه‌يگ وه‌ل رووژنامه‌نويس و ره‌ساننكاره‌يل ك رووژنامه‌ى شه‌رقولئه‌وسه‌ت ئاشكراى كرد وت: ناو ئه‌ندامه‌يل كابينه وه‌زاريه‌گه ئاماده‌سه‌و ئيسه‌يش خه‌ريك دانيشتنم وه‌ل فراكسيۆنه‌يل سياسى له‌باره‌ى جيگيركردنيان له‌ناو قوبه‌ى په‌رله‌مان وه زويترين وه‌خت تا بتويه‌نم ده‌س وه كاره‌يلم بكه‌م وه‌گووره‌ى ئه‌وله‌ويه‌ت.
جى باسه، كازمى داوايش له فراكسيۆنه‌يل سياسى كرد هاوكار بوون وه‌ليا تا وڵاته‌گه له‌ى قه‌يران ئيسه ده‌ربچێد و باس له‌وه‌يش كرد حكومه‌ته‌گه‌ى ئامانجى ئاماده‌كاريه ئه‌را ئه‌نجامداين هه‌ڵوژاردنه‌يل پيشوه‌خته بيجگه روێ وه‌ڕوێ بوينه‌وه‌ى په‌تاى كۆرۆناى تازه.
