كازمى قه‌يران رويداگه‌يل كۆرۆنا له شار پزيشكى تاوتوێ كرد
شه‌فه‌ق نيوز/ مسته‌فا كازمى سه‌رۆك ئه‌نجومه‌ن وه‌زيره‌يل، گه‌شتيگ وه‌سه‌ركردنه‌وه له شار پزيشكى و نه‌خوه‌شخانه‌ى شفا ئه‌نجامدا و ستايش كارمه‌نده‌يل پزيشكى و په‌رستيارى و لايه‌نه‌يل پشتگير كرد و له هه‌مان وه‌خت ئاگادار بوى له جيوه‌جيكردن قه‌يه‌غه‌ى گشتير هاتوچوو.
نويسينگه‌ى ره‌سانن سه‌رۆك وه‌زيره‌يل له به‌ياننامه‌يگ ئه‌را ئاژانس شه‌فه‌ق نيوز وت: مسته‌فا كازمى گه‌شتيگ وه‌سه‌ركردنه‌وه‌ى له شار پزيشكى و نه‌خوه‌شخانه‌ى شفا ئه‌نجامداگه وه ياوه‌رى حه‌سه‌ن ته‌ميمى وه‌زير ته‌ندروستى و ژينگه له‌وه‌ر دڵنيايى له‌بان خزمه‌تگوزاريه‌يل پزيشكى ئه‌را نه‌خوه‌شه‌يل و رێ وشوونه‌يل روێ وه‌ڕوێ بوينه‌وه‌ى ڤايرۆس كۆرۆنا و ريه‌يل خوه‌يپاريزى له‌لى.
به‌ياننامه‌گه ئاماژه وه‌يه‌يش كرد كازمى گه‌شته‌گه‌ى وه سه‌ردان شماره‌يگ له مناڵه‌يل نه‌خوه‌ش له شار پزيشكى ده‌سوه‌پيكردگه‌و ئاگادار بويه له ئاست خزمه‌تگوزارى ته‌ندروستى ك پيشكه‌ش ئه‌كريه‌ێد و دوياى ئه‌وه‌يش سه‌ردان نه‌خوه‌شخانه‌ى شفا كردگه‌و له نزيكه‌وه چه‌وى كه‌فته‌سه بڕيگ نه‌خوه‌ش و ئوميد خاسه‌وبوين گورجيگ ئه‌رايان خواستگه.
