كازمی دۊیای تەقەلای تیرۆرکردنی لە یەکەم کۆمێنت داوای ئارامی کەێد
![كازمی دۊیای تەقەلای تیرۆرکردنی لە یەکەم کۆمێنت داوای ئارامی کەێد](https://media.shafaq.com/media/arcella/1636268267974.jpg)
شەفەق نیوز/ سەرۆک وەزیران مستەفا کازمی، ئمڕوو یەکشەممە، داوای ئارامی کرد دومای تەقەڵای تیرۆرکردنی لەوەخت بۆردومان بارگەی لە ناوچەی خەزرا .
کازمی لە تویتێگ وت: "لە وەرین و ئیسەش من بۊیمە پرۆژەی قورتارکردن ئەرا عراق و خەڵک عراق، موشەک ناپاکی باوەڕدارەێلە سەردەو ناکەێد، نە مۊییگ لەرزان لە جیگربۊین و وەردەوامی هێزە ئازایەێل ئەمنی ئەرا مقیەتیکردن لە ئاسایش مەردم و وەدەس هاوردن ماف و یاسایەێل رێک وپێک دابنەێد.
وتیش: "من خاسم، سوپاس ئەرا خودا، هامەناو میللەتەگەم، ئارامی و خوەگرتن لە گشتێ خوازم وەخاترعراق"
سەرچەوەیگ ئەمنی، ئمڕوو یەکشەممە، ڕاگەیان سێ ئەندام لە مقیەتیکەرێڵ سەرۆک وەزیران مستەفا کازمی زەخمدار بۊینە وە گولەی هاوەن ک ئەرا شۊینەگەی لە ناوچەی سەوز وەشیا. سەرچەوەگە وە شەفەق نیوز وت: وەگوری زانیاری سەرەتاییەێلە کازمی زەخمدار نەۊیە.
شانەی ڕاگەیانن ئەمنی بڵاوکرد، ک مستەفا کازمی سەرۆک وەزیران کەفتە وەر تەقەڵای تیرۆر "شکستخواردگ".
شانەگە لە بەیاننامەێگ ڕاگەیان، ئەو تەقەلای تیرۆرکردنە وە ریگەی فڕۆکەبۆمبی لە شۊینەگەی لە ناوچەی خەزرا بەغدا بکەێدە ئامانج.
وتیش، لای خوەیانەوە هێزە ئەمنییەکان رێکارەێل پێویست گرنەوەر ئەرا ئەی تەقەلا شکستخواردگە.