كەشوهەوای عراق لەی چوار رووژ بانانە
دەسەگە لە بەیاننامەیگ رەسیە ئاژانس شەفەق نیوز وت: کەشوهەوای وڵاتەگە ئەرا سوو پەنجشەممە، لە ناوچەی ناوڕاس نیمچە ئەورە و پلەی گەرمی نزیک رووژ وەرجە خوەیە، و لە ناوچەی باکوور نیمچە ئەورە وەگەرد دەرفەت نمە وارانیگ، و پلەی گەرمی نزیک رووژ وەرجە خوەیە، و لە ناوچەی باشوور نیمچە ئەورە تا ئەور تەواوە، وەگەرد نمە وارانیگ، و پلەی گەرمی کەمیگ بەرزەو بوود.
وتیش: رووژ جمعەڕ لە ناوچەی ناوڕاس و باکوور رووشنە وەگەرد لەکە ئەوریگ، و لە ناوچەی باشوور رووشنە تا نیمچە ئەورە، و پلەی گەرمی لە بەشەیل ناوڕاس و باشوور نزیک رووژ وەرجە خوەیە، و لە بەش باکوور کەمیگ بەرزەو بوود.
دیاری کرد کە رووژ شەممەی لە گشت ناوچەیل وڵاتەگە ئاسمان رووشنە، و پلەی گەرمی لە گشت وڵاتەگە نزیک رووژ وەرجە خوەیە.
دەسەگە وتیش: کەشوهەوای وڵاتەگە ئەرا رووژ یەکشەممەی ئایندە لە ناوچەی ناوڕاس و باشوور رووشنە تا نیمچە ئەورە، و لە ناوچەی باکوور رووشنە وەگەرد لەکە ئەوریگ، و پلەی گەرمی لە گشت وڵاتەگە نزیک رووژ وەرجە خوەیە.
