كەتايب حزبولڵای عراقی ئامادەیی خوەی ئەرا راهێنان بزووتنەوەیل ئازادیخواز ئەمریکا نشان دەێد
2021-01-13T13:26:05+00:00
شەفەق نیوز/ کەتایب حزبولڵای لە عراق، ئمڕوو چوارشەممە، ئامادەیی خوەی ئەرا پێشکەشکردن راوێژکاری و راهێنان ئەرا بزووتنەوەیل ئازادیخواز لە ئەمریکا نشان دا.
ئەبو عەلی عەسکەری قسەکەر وەناو کەتایب حزبولڵا، لە پۆستیگ لەبان ماڵپەڕ تویتەر ک ئاژانس شەفەق نیوز چەودیریی کرد وت: راوێژکارە ئەمنیەگان وەرگری ئیسلامی، هانە گشت ئامادەییگ ئەرا پێشکەشکردن راوێژکاری و راهێنان راستەخۆ و نا راستەخۆ ئەرا بزووتنەوەیل ئازادیخواز لەناو ئەمریکا.
وتیش: ئەوەسا ماڵپەڕیگ تایبەت ئەرا ئەوە تەرخان کریەێد.
