قورتارکردن ئەندامیگ سەر وە هاوپەیمان مالکی لە پەلاماریگ چەکداری و قوربانیبوین وە رویداو هاتوچو لە باشوور
2023-09-20T10:14:33+00:00
شەفەق نیوز/ سەرچەوەیگ ئەمنی، ئمڕوو چوارشەممە، خەوەردان لە قورتارکردن ئەندامیگ سەر وە هاوپەیمانی دەوڵەت یاسا وە سەرۆکایەتی سەرۆک وەزیرەیل وەرین نوری مالکی لە تەقەلای تیرۆرکردن وە پەلامارداین چەکداری لە زیقار باشوور عراق.
سەرچەوەیگ ناوخوەیگ وە ئاژانس شەفەق نیوز خەوەردا، ئەندامیگ لە هاوپەیمانی دەولەت یاسا وە ناو ساجد مەترود نەجا لە تەقەلایگ تیرۆرکردن لە ری چەک قورتارکریا لە قەزای ئسلاح خوەرهەڵات پارێزگای زیقار.
سەرچەوەگە هووکار ئی تەقەلایە گلەودا ئەرا پەیوەنی ناکۆکی هوزانە ناوەین ئێڵەیل رەمیز و ئال عومەر.
هەمیش لە بەسرە باشوور عراق، مەدەنییگ گیان لەدەسدا، و چوار کەسیش زەخمداربوی کە یەکیگیان بارودۆخی سەختە وە رویداو هاتوچوی لەبان ری زوبێر لە پارێزگاگە.
