قوربانی و زەخمداری وە گورزیگ ئاسمانی کە بنکەی حەشد شەعبی لە خوەرهەڵات بەغداد کریاسە ئامانج
2024-01-04T09:45:22+00:00
شەفەق نیوز/ سەرچەوەیگ ئەمنی وەرپرس، ئمڕوو پەنجشەممە، لەری درۆنیگ نەناسریاگ پەلاماریگ ئاسمانی دریای وەبان بنکەی حەشد شەعبی لە خوەرهەڵات بەغدای پایتەخت عراق.
سەرچەوەگە لە لێدوانیگ ئەرا ئاژانس شەفەق نیوز وت، بنکەی پاڵپشتی لۆجستیکی ئەرا حەشد شەعبی لیوای 12 بزوتنەوەی "ئەلنوجەبا" کە کەفێدە نزیک کۆلێژ پۆلیسی عراق لە خوەرهەڵات بەغدا رویوەروی پەلاماریگ ئاسمانی بویە لەڕی درۆنیگ نەناسریاگ.
سەرچەوەگە وتیش، لە ئەنجام پەلامارەگە یەک کەس بویەسە قوربانی و چوار کەسیش زەخمدارە جویر یەکەم ئامار ئەندامەیل بزوتنەوەگە.
