یەک قوربانی و ٦ زەخمدار لە حەشد وە پەلاماریگ داعش لە دیالە
2022-11-19T11:07:35+00:00
شەفەق نیوز/ سەرچەوەیگ ئەمنی وەرپرس، ئمڕوو شەممە، خەوەردا ک ئەندامیگ لە حەشد شەعبی بویە قوربانی، و شەش کەسیش لەلیان زەخمدار بوین، لە ئەنجام پەلاماریگ لەلایەن ریخریاگ داعش لە ناوچەی حەمرین لە پارێزگای دیالە.
سەرچەوەگە ئەرا ئاژانس شەفەق نیوز وت: تەقەکردن کەفتە ناوبەین هەردوگ لایەنەگە، و تا مەوقەی نویسین خەوەرەگە وەردەوامە.
شەوەکی ئمڕوو، فەرماندەی ئۆپراسیۆنەیل دیالە لە حەشد شەعبی، دەسکردن وە ئۆپراسیۆن وەشکین فراوانیگ راگەیان ئەرا وەشوینکەفتن ئەندامەیل داعش لە کوێەیل حەمرین.
