قه‌يران نوێنه‌رايه‌تى جيه‌يليگ ئه‌را كه‌ره‌نتين ديارى كرد دوياى زيايبوين تويشبوين وه په‌تاگه
2020-06-15T10:16:26+00:00
شه‌فه‌ق نيوز/ شانه‌ى قه‌يران نوێنه‌رايه‌تى، ئاشكراى ئه‌وه كرد نه‌خوه‌شخانه‌يل حكومى له به‌غدا تواناى له‌خوه‌يگرتن شماره‌ى زياى تويشبويه‌يل وه ڤايرۆس كۆرۆنا نه‌يرێد، ئاماژه‌يش وه چه‌ن جيه‌يليگ كرد جوور به‌ديل ئه‌را كه‌ره‌نتينكردن ته‌ندروستى له به‌غداى پايته‌خت.
له‌ى باوه‌ته‌و، عه‌باس علێوى ئه‌ندام ليژنه‌گه ئه‌را ئاژانس شه‌فه‌ق نيوز وت: پيشنيازه‌يليگ هه‌س ئه‌را جيه‌يليگ به‌ديل جوور پيشانگاى ناوده‌وڵه‌تى به‌غدت، نه‌خوه‌شخانه‌ى پزيشكى وه‌رزشى وه‌زاره‌ت لاوان، ئۆرزديه‌يل.
علێوى ئاماژه وه‌يه‌يش كرد فه‌رمانگه‌يل ته‌ندروستى خوازيارن هه‌ڵمه‌تيگ وشكانن مه‌وقعى ده‌س وه‌پى بكه‌ن له‌و ناوچه‌يله ك زياتر حاڵه‌ته‌يل تويشبوين وه ڤايرۆس كۆرۆنا له‌تيان تۆمار ئه‌كريه‌ێد.
