قائانی هەڕەشەی داگیرکردن عراق دەێد
شەفەق نیوز/ ئیسماعیل قائانی فەرماندەی فەیلەق قودس لە سوپای پاسدران ئیران، لە سەردانیگ لەی دویاییە ئەرا بەغداد، هەڕەشەی ئۆپراسیۆنیگ سەربازی لە هەرێم کوردستان دا، ئەگەر سوپای عراق سنوور هاوبەش لەنوای ئۆپۆزسیۆن کورد قایم نەکەێد.
ئاژانس ئەسوشیتید پرێس ئەمریکی، لە زوان بڕیگ لە وەرپرسەیل عراقی و کورد وت: ئیجویر ئۆپراسیۆنیگ ئەگەر جیوەجی کریا، لە عراق بوودە کاریگ بیوەرین، و ئەوەسا گاریگەری هەرێمیی بەرزەو بوود، لەسای ئەو شیواشیوە ک ئیران وەخوەی دوینێد، ک وە پیلان دەیشتەکی دەێدەی قەڵەم.
ئاژانسە ئەمریکیەگە وت: هەڕەشەی ئیران وەزوان ئیسماعیل قائانی فەرماندەی فەیلەق قودس لە سوپای پاسدران رەسی، هەنای رووژ دووشەممەی گوزەشتە لە سەردانیگ نا ئاشکرا رەسیە بەغداد، و تا رووژ جمعە لەورا بوی، و دویای یەک رووژ لە پەلامارە مووشەکیەگەی ئیران هات، ک سەربازگەیگ ئۆپۆزسیۆن لە هەولێر کردە ئامانج، و سێ کەس لەلی بوینە قوربانی.
زانیاریەیل نشان دا ک قائانی چەوی کەفتە محمد شياع سودانی سەرۆک وەزیرەیل، و سەرکردەیلیگ لە هاوپەیمان چوارچیوەی هەماهەنگی، و سەرۆک نوو کۆمار، وەگەرد باڵەیل چەکدار لە لایەنگرەیل ئیران.
قانی دوو داوا داشتیە، کیشانەوەی چەک کۆمەڵەیل کورد ئۆپۆزسیۆن ئیران لە باکوور عراق، و قایمکردن سنوورەگە ئەرا نواگیریکردن دزەکەرن.
سەرچەوەیل ئەرا ئاژانس ئەسوشیتید پرێس وتن: قائانی وتیە: ئەگەر بەغداد ئی داوایلە جیوەجی نەکەێد، وەنە ئیران هەڵمەتیگ سەربازی وە هیزەیل هشکایی جیوەجی کەێد، و لە پەلامارداین سەربازگەیل ئۆپۆزسیۆن وەردەوام بوود.
ڕاپۆرت ئاژانسەگە وتیش: ئی هەڕەشەی ئیرانە دەسپاچەی بەغداد کەێد، ک یە یەکەم جارە وەرپرسەیل ئیران وە ئاشکرا هەڕەشەی پەلامار سەربازی هشکایی بیەن.
