قەیەغەیل کۆڕۆنا گواستنەوەی بازرگانی لە مەرز مەنەلی تیارێدە نیمە
شەفەق نیوز/ وەرپرسیگ حکومەتی لە دیالە، ئمڕوو شەممە، دووپات کرد داوەزین تەکان و وەناوهاتن کاروانە بازرگانیەکان لەلای ئیرانەو لەڕی مەرز سنووری مەنەلی ئەرا زیاتر لە ٥٠ لەسەد لەوەر قەیەغەیل کۆڕۆنا و ریکارە سەختەکانی.
مازن ئەکرەم جینشین وەڕێۆبەر ناحیەی مەنەلی ئەرا ئاژانس شەفەق نیوز وت: ژمارەی بارە بازرگانیەکان ک لە ئیران وەڕی مەرز مەنەلی تیەن، لە ١٠٠ ماشین بار لە رووژیگ هاتە ٤٠ - ٥٠ ماشین بار لە رووژیگ، لەوەر قەیەغەیل کۆڕۆنا و ریکارە سەختەکانی لە مەرزەگە.
ئەکرەم وتیش؛ فرە لە کاروانە بازرگانیە ئیرانیەکان واز لە مەرزەیل دیالە هاوردن و روی کردنە مەرز پەرویزخان لە سنوور سلێمانی لەناو هەرێم کوردستان، وەخاتر ئاسانکاریە گومرگیەکان لەنوایان.
وتیش؛ مەرز مەنەلی تایبەت ئەرا وەتاوهاتن گەشتیارەکان نەکریاگە، و تەنیا کاروانە بازرگانیەکان وەپیەو تیەن، و لە ریکارەیل کۆڕۆنای دویایین ئیران پەسەن کردوێد بوەسێدەی، بەڵکم هیمان مەرزەگە ئەرا بازرگانی وازە.
