قەزایگ لە پارێزگای زیقار کەفێدە دەس ناڕەزایل
2023-03-15T12:37:28+00:00
شەفەق نیوز/ وەچەودیەیلیگ لە پارێزگای زیقار، ئمڕوو سێشەممە، خەوەردان ک قەزای ئیسلاح خوەرهەڵات پارێزگاگە، کەفتە دەس خوەینشاندەرەیل تویڕە لە ئەنجام بڕین ئاو لەلیان.
وەچەودیەیل ئەرا ئاژانس شەفەق نیوز وتن: خوەینشاندەرەیلیگ تویڕە گشت فەرمانگەیل مەدەنی و ئەمنی لە قەزای ئیسلاح خستن، و دەس نانە بان بنکەی پولیس قەزاگە، و ئەفسەرەیل لەناوی گیر هاوردن، و بینای قایمقامیەت وەدەس خوەیان بەسان.
وەچەودیەیل وتنیش: خوەینشاندەرەیل خاڵ ئەمنی لەناو قەزاگە دانان، و هیزەیل دژە ئاژاوە وەرەو دەیشت شارەگە قاو دان.
وەچەودیەیل دیاری کردن ک ئی تویڕەیی و ناڕەزاییە لەبان ئەوە بویە ک یە ١٠ رووژە ئاو لە مەردمەگە بڕیاگە.
