فەرمانده‌یه‌گ گه‌ورای سەربازی: خیزانەیل داعش یەکیگ لە سێ هۆکارەیلن ئەرا بەرزەوبین پەلامارەیل داعش.
شەفەق نیوز/ لیوا رکن عیماد زهەیری فەرماندەی ئۆپراسیونەگان سامەڕا، روژ جومعە، بەرزەوبوین پەلامارەیل داعش لەی هەفتەیل دویایە هاوردەو ئەرا سێ هۆکار.
زهەیری لە باسەگەی ئەرا ئاژانس شەفەق نیوز وت: بەرزەوبوین روداوە تیرۆرستیەگان لەی ماوەیل دویاییە کاریگ ئاساییەو لەپلەی یەکەم تیەێدەو ئەرا ئەکتیڤبوین ریخریاگ داعش لە دە روژ دویادویا لە مانگ رەمەزان، لە ئەنجام رێنمایل ئایدۆلۆژی و باوەڕ خۆیان .
وتیش؛ بەرزەوبوین پەلامارەگان تیەێدەو ئەرا سروشت جوگڕافی ئاڵۆز و بیابانی سەلاحەدین و وڵاوەبوینی،وکەمی لە داهاتو تونایی دەزگا ئەمنیەگان، ک دەرفەتیگ داسە تیرۆرستەیل ئەرا جموجویل و جیوەجی پەلامارەیلیان.
زهەیری هوشداریدا ك چاودێری وەردەوام دەزگایل ئه‌منی فڕۆکەیل جەنگی و کامیرەیل شەوانەخوازێ، وئامێرەیلیگ تر ئەرا نواگردن تیرۆرستەیل لە جیوەجیکردن پلانەیلیان، وه‌تایبەت لە ئاوایه لەیەک دویرەگان و دانیشتوە چویچیایەگان. وتیش؛ ئەو هاوکاری هەواڵگیریە کە شوان و راوچیەگان دەنەی بویە هۆکاریگ ئەرا نواگردن له کوشتن و لە پەلامارەیل تیرۆرستی فرەیگ، تەنانەت لە دەسگیرکردن بڕیگ لە داعشەیلە.
فەرماندەی ئۆپراسیۆنەگان سامەڕا ئشاره وه‌و ئۆپراسیۆنەیلە دا ک دەزگا ئەمنیەگان وەی دویادویا جیوەجی کردن، زه‌قترینیان کوشتن ٣ لە داعشەیلە لە لاین لیوای ١٣ پۆلیس فیدڕاڵی، ك وه‌مەلەکردن لەناو رووبار دیجلە هەوڵ دزە دان لە ده‌ورووه‌ر سامەڕا و کوشتن تیرۆرستیگ لە یەسرب باشوور سامەڕا، وکوشتن وزەخمی كردن ٤ تیرۆرست ك هەوڵدان بانە نزیک فەوج فریاگوزاری ١٣ سەروە پۆلیس باشوور سامەڕا، و چەکانن و دەسگیرکردن کۆمەڵیگ چەتەی رفانن لە ناوبەین قەزایل دۆڕ و سامەڕا.
وتیش، رێوشۆێنەیل ناکاویمان و پلانەیل هەواڵگیریمان سەرکەفتگن وئامەنجەیل خاس وه‌ده‌س هاروردنه ، و هیشتن شوون حه‌شار تیرۆرستەیل ویران بکریەێن، وشکست وەپەلامارەیلیگ باد وەرجە قومانیان، وتاریف لە هەماهەنگیە بەرزەگە کرد لەناوبەین دەزگا ئەمنیەگان، و زانیاری ورد هەواڵگیریەگان.
