فەتح ئاشکرای گفتوگۆەیلی وه‌ل بارزانی کرد
شەفەق نیوز/ هاوپەیمان فەتح، ئمڕوو یەکشەممە، ئاشکرای گفتوگۆەیل هادی عامری سەرپەرشتیاری فه‌تح کرد، وەگەرد نێچیرڤان بارزانی سەرۆک هەرێم کوردستان.
فەتح لە بەیاننامەیگ ك رەسیە ئاژانس شەفەق نیوز وت: هادی عامری وەرپرس هاوپەیمان فەتح، ئمڕوو پیشوازی کرد لە نێچیرڤان بارزانی سەرۆک هەرێم کوردستان وشاند یاوه‌ری، ودیاری کرد ک گفتوگۆ کریا لە بڕیگ باوەت گرنگ ک تایبەتە وە عراق.
بەیاننامەگە دیاری کرد ک له چەوپیکەفتنەگە باس بڕیگ لە کەیسەیل کریا، گرنگتریان پشتگیری لە بڕیارە پەڕلەمانیەگەس لە دەرچگن هێزیل بیگانە لە وڵاتەگە ، وگرنگی یەکریزی هەڵوێست هێزە سیاسیەگان لە مقەیەتی سەروەری نیشتمانی، و وەرەگریکردن لەلی.
بەیاننامەگەی فەتح هەمیش ئاماژەدا؛ باس کریا لە پێشیل کاری دوارەکریاگ تورکیا لەبان سەروەری نیشتمانی، وهاتن سەربازی ئەرا ناو خاك عراق.
فەتح دیاری کرد؛ ک باس لە بڕیگ پرۆژەیل یاسایی کریا، گرنگتریان یاسای هەڵبژاردن و هانداین وەرەو تواوبوین دەنگدانەگەی ئەنجومەن نوێنەران، چونکە کاریگ سەرەکیە ئەرا ئەنجامداین هەڵبژاردن زوینە.
