فيشتر له 2500 كووچبه‌ر له ئاو خنكيانه
2015-08-29T09:43:30+00:00
له‌ى باوه‌ته‌و، كومسيار باڵاى نه‌ته‌وه‌يل يه‌كگرتگ له راپۆرت تازه‌يگى ك(شه‌فه‌ق نيوز)ئاگادارى بوى، ئه‌وه ده‌رخست و وت: شماره‌ى ئه‌و كووچه‌به‌ره‌يله ك هه‌وڵ دانه له ده‌رياى ناوڕاسه‌و گوزه‌ر بكه‌ن وه‌ره‌و وڵاته‌يل ئۆرپا فيشتر له 300 هه‌زار كه‌س بوينه.
كومسيار ناوبرياگ باس له‌وه‌يش كرد ك فيشتر له 2500 كه‌س كووچبه‌ر له‌ئاو خنكيانه، يه‌يش بيجگه ئه‌وه‌گ رووژ په‌نجشه‌ممه‌ى گوزه‌يشتيش نزيكه‌ى 200 كووچبه‌ر تر له ئاوه‌يل ليبيا ديار نه‌مه‌ندن و گومان ئه‌وه ئه‌كريه‌ێد ئه‌وانيش خنكيانه.
