فه‌له‌كناسيگ له‌باره‌ى گه‌رده‌لويل و لافاو له‌ عراق وشدارى دا

شه‌فه‌ق نيوز/ سادق عه‌تيه‌ فه‌له‌كناس، باس له‌وه‌ كرد عراق تويش گه‌رده‌لويليگ نزم ئاسمانى ئه‌دێ و له‌هه‌مان وه‌خت وشدارييش دا له‌باره‌ى هاتن لافاو و گه‌رده‌لويليگ سه‌تحى له‌ زوورم پاريزگايه‌يل وڵاته‌گه‌.

عه‌تيه‌ له‌ فه‌يسبوك وتگه‌ له‌ ئمڕووه‌و ئه‌و پاڵه‌په‌ستۆ تازه‌ى ئاسمانيه‌ ده‌س وه‌پى ئه‌كاو كاريگه‌رى ديرێد له‌بان عراق وه‌لى كه‌متر له‌وه‌گ له‌ ماوه‌ى دو رووژ گوزه‌يشت رويدا و له‌باره‌ى وارانيشه‌و باس له‌وه‌ كرد گشت شاره‌يل ئه‌گرێده‌و.

جى باسه‌، عه‌تيه‌ هه‌ميش وت: سه‌ره‌تاى ئه‌و گه‌رده‌لويله‌ رووژ دوشه‌ممه‌س و سه‌ختيه‌گه‌ى چوارشه‌ممه‌سه‌و رووژ په‌نجشه‌ممه‌يش ته‌واو ئه‌دێ له‌ ناوڕاس و خوه‌رئاواو باشوور وڵاته‌گه‌و روێ له‌ بڕيگ له‌ شاره‌يل باكووريش ئه‌كا.