فه‌رمان گرتن ئه‌را سه‌رۆك ئه‌نجومه‌ن پاريزگاى واست ده‌ركريا
2019-11-10T10:09:01+00:00
شه‌فه‌ق نيوز/ دادگاى لێكۆڵێنه‌وه‌ى كووت فه‌رمانيگ ده‌ركرد ئه‌را گرتن سه‌رۆك ئه‌نجومه‌ن پاريزگاى واست وه‌گووره‌ى مادده‌ى(231) له ياساى سزايه‌يل عراقى.
له‌ى باوه‌تيشه‌و ئه‌نجومه‌ن باڵاى دادوه‌رى له به‌ياننامه‌يگ ئه‌را شه‌فه‌ق نيوز ئه‌وه ده‌رخست ك دادوه‌ر تايبه‌ت له دادگاى لێكۆڵينه‌وه‌ى كووت فه‌رمان گرتن ده‌ركردگه ئه‌را سه‌رۆك ئه‌نجومه‌ن پاريزگاى واست وه‌گووره‌ى مادده‌ى(231) له ياساى سزايه‌يل عراقى و وه‌گووره‌ى ئه‌و شكايه‌ه ك له‌لايه‌ن كارمه‌نده‌يل ده‌سه‌ى ده‌سپاكييه‌و به‌رزه‌و كرياگه ك له‌تى نواگيرى كردگه له دقه‌تكردن و راده‌سكردن دوسيه‌يليگ له‌باره‌ى خه‌رجكردن دارايى.
