فرووشەیل بانک ناوەندی عراق رەسێدە نزیک 300 مليۆن دۆلار
شەفەق نیوز/ فرووشەیل دۆلار بانک ناوەندی عراق، ئمڕوو سێشەممە، رەسیە نزیک 300 مليۆن دۆلار.
پەیامنێر ئاژانس شەفەق نیوز وت: بانک ناوەندی لە زیایکردن ئمڕوو، 299 ملیۆن و 950 هەزار و287 دۆلار فرووشت، وە نرخ بنەڕەتی 1310 دینار ئەرا هەر دۆلاریگ ئەرا کرێدیت دۆکیومێنتکاری و یەکلاییکردن ناودەوڵەتی ئەرا کارت ئەلیکترۆنی، و وەنرخ 1310 دینار ئەرا هەر دۆلاریگ ئەرا هەواڵەی دەرەکیر و وەنرخ 1305 دینار ئەرا هەر دۆلاریگ وە کاش.
وتیش: فرەی فرووشەیل دۆلار ئەرا قایمکردن باڵانسەیل دەیشت وڵات وەشیوەی هەواڵە و قەرزکردن چگە کە رەسیە 267 ملیۆن و200 هەزار و287 دۆلار، وەڕیژەی 88%، وەرانەور فرووشتن کاش کە رەسیە 32 ملیۆن و750 هەزار دۆلار.
پەیامنێرمان وتیش: دوو بانک دۆلار کاش سەننە، و شمارەی ئەو بانکەیلە کە وەڵام داواکارییەیل بەرزکردن باڵانسەیل دانەسەو لە دەیشت وڵات رەسیەسە 6 بانک، و بڕ کۆمپانیایل ئاڵوگۆڕ و دەڵاڵی کە بەشداری لە زیایکردنەگە کردنە رەسیە 37 کۆمپانیا.
